Wasiirka Haweenka Xukuumadda Federaalka Soomaaliya Xaniifa Maxamed Xaabsade oo warbaahinta kula hadashay magaalada Waajid ayaa waxaa ay ka hadashay dhibaatada ka jirta degmaadaasi, iyo go’doonka ay Al-Shabaab ay saareen degmadaasi.
Xaniifa ayaa sheegtay in Al-shabaab ay cunaqabateyn saareen degmada Waajid iyo degaannada kale ee hoostaga, waxaana shacabka ay ugu baaqday in ay u midoobaan la dagaalanka Al-Shabaab.
Sidoo kale waxaa ay tilmaamtay in muhiim tahay sidii loo furi lahaa wadooyinka ay go’doomiyeen dagaalameyaasha Al-Shabaab.
Al-Shabaab ayaa go’doomiyay degmada Waajid ee gobolka Bakool , iyadona arintan ay saameyn ku yeelatay shacabka ku nool degmadaasi.
