Templates by BIGtheme NET

Author Archives: Marwaan

DHAGEYSO:-Barnaamijka Ciyaaraha (27-09-2017)

Muqdisho-KNN:-Dhegeystayaasha ku xiran Webset-ka Radiokulmiye.net waxaan halkaan idin kugu soo gudbineyna Barnamijka Ciyaaraha waxaana halkana idin ka soo jeedin doono:-Maxamed Shuuriye Nuur:- 

Farsamadii:- Maxamed Dalal Maxamuud:-

Halkaan ka Dhageysto Barnaamijka Ciyaaraha oo Dhameystiran:-

170926_002 - My Recording     

DHAGEYSO:-Barnaamijka Ogaal (27-09-2017)

Muqdisho-KNN:-Dhegeystayaasha ku xiran Webset-ka Radiokulmiye.net waxaan halkaan idin kugu soo gudbineyna Barnamijka ogaal waxaana halkana idin ka soo jeedin doono:-Maxamed Axmed Tuuryare 

Farsamadii:- Maxamed Dalal Maxamuud:-

Halkaan Ka dhageyso Barnaamijka ogaal oo dhameytiran:-

Dhageyso:-Barnaamijka Falanqeynta Wararka (27-09-2017)

Muqdisho-KNN:-Dhegeystayaasha ku xiran Webset-ka Radiokulmiye.com waxaan halkaan idin kugu soo gudbineyna Barnamijka Falan qeynta …Waxa halkan ka soo jeedin doona wariye:-Cali ibraahim Cabdullaahi{Cali Suxeyfa}

Farsamadii:-Shariif Cabdulle Maxamed:-

Halkaan  Ka Dhageyso BarnaamijkaFalanqeynta:

DHAGEYSO:-WARKA SUBAX EE RADIO KULMIYE 8:00AM (27-09-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye. Warka saakay Waxaa si wadajir ah u aqrinayay ah aqrinayay:-Maxamed Shuriye Nuur iyo Cali Mahad Ibraahim Kadiye:-

Farsamadii:-Shariif Cabdulle Maxamed:-

Halkaan Riix si aad u dhageysato Warka Subax ee KNN:-

Madaxtooyada Galmudug oo War ka soo saartay Xiisadda Siyaasadeed ee ka jirta Galmudug

Cadaado–KNN– Warsaxaafadeed ka soo baxay Madaxtooyada Maamulka Galmudug ayaa lagu Cambaareeyay fal ay ku sheegeen inuu yahay mid Fashilmay oo lagu sheegay in Xildhibaanno ka tirsan baarlamaanka Galmudug ay Xilka uga qaadeen madaxweynaha Maamulkaasi Axmed Ducaale Geelle Xaaf,waxaana sidoo kale Warsaxaafadeedka lagu sheegay in 48 Mudane oo ka tirsan Baarlamaanka Galmudug ay Kulan Deg deg ah ka yeesheen Wararka sheegaya in Xilka laga qaaday Madaxweyne Xaaf.

Halkaan Riix si aad u Akhrisato Warsaxaafadeedka

 

Xildhibaannada Uganda oo gacanta isula tegay

Buuq iyo is-riix riix ayaa ka dhacay baarlamaanka dalka Uganda, goor xildhibaannada ay ka doodayeen in dastuurka waddankaasi laga saaro xadidaada da’da madaxweynaha.

Muuqaal laga soo duubay baarlamaanka ayaa muujinaya mudanayaasha oo gacanta isula tegay, ka dib markii la sheegay in xildhibaan uu qori lasoo galay hoolka shirka.

Gudoomiyaha baarlamaanka Uganda ayaa amray in lasoo saaro qoriga, balse waa la waayay sida ay sheegtay warbaahinta maxalliga ah.

Arinta xadidaada da’da madaxweynaha ayaa xiisad siyaasadeed ka dhalisay Uganda, maadama madaxweyne Yoweri Museveni oo hadda 73 jir ah aanu dastuurka u ogaalaneyn inuu markale tartamo.

Dastuurka ayaa dhigaya in da’da madaxweynaha aanay ka weynaan 75 sano jir.

Museveni ayaa xilka hayay tan iyo 1986, asagoona si dimuqraadi ah loo doortay ilaa sanadkii 1996.

Balse xadidaada da’da ayaa ka horjoogsan doonta inuu mar lixaad u tartamo xilkaas doorashada dhacaysa sanadka 2021.

Xisbigiisa NRM ayaa ku howlan sidii dastuurka looga saari lahaa qodobka xadidaya da’da madaxweynaha.

Warbaahinta maxalliga ah ayaa sheegtay inay muddo 20 daqiiqa ah qaadatay in kulanka baarlamaanka uu caadi kusoo noqdo.

Ra’iisul Wasaaraha Soomaaliya oo la kulmay Senetor Al Franken

Senetor Al Franken oo ka tirsan Xisbiga Dimoqraadiga ee dalka Maraykanka isla markaana laga soo doorto gobolke Minnesota ee Soomaalidu ku badan tahay ayaa Washington DC kula kulmay Ra’iisal Wasaaraha Soomaaliya Xasan Cali Khayre.

Qoraal ka soo baxay xafiiska Senatorka oo soo gaadhay VOA ayaa lagu sheegay in labada masuul ay ka wada hadleen arrimo kala duwan oo khuseeya Soomaalida oo ay ka mid tahay xannibaadda dhinaca socdaalka ee Madaxweyne Trump uu ku soo rogay dalal ay Soomaaliya ku jirto iyo saamaynta ay ku yeelanayso dadka Soomaalida ah ee ku dhaqan gobolka Minnesota iyo gobollada kalee Maraykanka.

Senator Franken ayaa sheegay in xannibaaddan dhinaca socdaalku inay dhaawac u keenayso Soomaalida ku dhaqan gobolka laga soo doorto ee Minnesota, wuxuuna sheegay inuu ka dagaalami doono isla markaana barbar istaagi doono bulshada Soomaalida ah ee kala maqan haddii xannibaaddan socdaalku ay hirgasho.

Dhageyso:- Xildhibaano ka tirsan Labada Aqal oo Maanta ku Wajahan Magaalada Cadaado

Cadaado–KNN– Kadib markii ay Cirka isku Shareertay Xiisadda Siyaasadeed ee ka jirta Degaanada Maamulka Galmudug ayaa Wararka la helayo waxaa ay sheegayaan in Maanta Magaalada Cadaado ee Xarunta KMG Galmudug ay tagi doonaan Xildhibaanada Labada Gole ee laga soo doortay Degaanada Maamulka Galmudug si ay Xal ugu helaan Xiisadda jirta.

Axmed Ducaale Geelle Xaaf Madaxweynaha Galmudug oo Wareysi dhinacyo badan taabanaya siiyay Radio Kulmiye ayaa sheegay in Maanta Cadaado ay imaan doonaan Xildhibaanno isugu jira Aqalka Sare iyo Golaha Shacabka gaar ahaan kuwa ka soo jeeda Galmudug,waxaana ay u tagi doonaan Tajinta Xiisadda jirta.

Wareysiga uu Madaxweynaha Galmudug siiyay KNN ayuu sidoo kale uga hadlay Eedeyn uga timid Guddoomiyaha Baarlamaanka Galmudug oo aheyd inuu Xabsi guri ka dhigay Madaxweyne Xaaf,waxaana Madaxweyne Xaaf uu sheegay in Warkaas uu been yahay Sababta loo hakiyay Guddoomiyaha Baarlamaanka galmudugna ay tahay in la ilaaliyo Ammaankiisa,Maadaama ay Xiisadi ka jirto Cadaado.

Halkaan Hoose ka dhageyso Wareysiga oo dhameystiran

Xaaf Xildhibaano DF     

Dhageyso:- Madaxweynaha Galmudug oo sheegay in aysan jirin Cid Xilka qaaday

Cadaado–KNN– Madaxweynaha Dowlad Gobolleedka Galmudug Axmed Ducaale Geelle Xaaf oo Asagoo ku sugan Magaalada Cadaado Wareysi siiyay Idaacadda Kulmiye ee Magaalada Muqdisho ayaa sheegay in aysan jirin Cid Xilka qaaday islamarkaana uu Warbaahinta ka maqlay Wararka sheegaya in Xilka laga qaaday.

“Aniga Caawa ayaa la ii sheegay in Xildhibaanno Dhowr iyo Toban ah ay sheegeen in ay Xilka ka qaadeen Madaxweynaha,Xildhibaanadii Galmudug oo dhan hadda wey ila joogaan oo Hoolka Madaxtooyada ayey Fadhiyaan,midda kale Dastuurka Galmudug wuxuu dhigayaa in Madaxweynaha aan Mooshin laga keeni karin 6 Bilood Gudahood”ayuu yire Madaxweyne Axmed Ducaale Geelle Xaaf.

Madaxweynaha Galmudug ayaa sidoo kale sheegay in Guddoomiyihii Baarlamaanka iyo Labadiisii ku Xigeen ay joogaan oo Xildhibaanno Dhowr iyo Toban ah ay ku shireen Xaafad ka mida Magaalada Cadaado.

Hadalka Madaxweynaha Galmudug Axmed Ducaale Geelle ayaa imaanaya Xilli Xalay Xildhibaanno ku shiray Magaalada Cadaado oo tiradooda ku sheegay 55 Mudane ay 52 kamida u Codeeyeen in Xilka laga qaado Madaxweyne Xaaf.

Xaaf ayaa Xilka Madaxweynaha Galmudug loo doortay 3-dii May,wuxuuna shaqeynayay muddo ku siman 5 Bilood,halka Madaxweynihii ka horeeyay  Ee C/kariin Guuleed ay si lamida sidaan oo kale Xildhibaanadu Xilka ka tuureen Bishii Janaayo ee isla sanadkaan.

Halkaan Hoose ka dhageyso Codka Madaxweynaha

Xaaf     

 

Wasaaradda Arrimaha Gudaha oo Taageertay Xilka qaadistii lagu sameeyay Xaaf”Akhriso”

Wasaaradda Arrimaha Gudaha Dowladda Federaalka ah ee Soomaaliya ayaa  War saxaafadeed kasoo saartay Xaalada ka taagan Magaalada Cadaado ee Xarunta ku meel gaarka u ah Maamul Goboleedka Galmudug.

1. Dawladda Federaalka Soomaaliya waxey ka wallaacsan tahay xasaradaha amni iyo siyaasadeed ee maalmahan ka soo cusboonaaday xarunta KMG ah ee maamulka GalMudug ee degmada Cadaado.

2. Dawladda Federaalku waxey cambaareyneysaa falalka aan waafaqsaneyn sharciga iyo hannaanka dimoqraadiga ee lagu xayiray dhaqdhaqaaqyada Madaxweyne ku xigeenka, Guddoomiyaha iyo Guddoomiye Kuxigeenka 2aad ee Baarlamaanka GalMudug, waxeyna ku baaqeysaa in si deg-deg ah xorriyadooda loogu soo celiyo si ay u gutaan waajibaadkooda dastuuriga ah.

3. Dawladda Federaalku waxey ku baaqeysaa in la ixtiraamo go’aankii uu Baarlamaanka GalMudug gaaray maanta oo taariikhdu tahay 26 September 2017, loona hoggaansamo sareynta sharciga.

4. Dawladda Federaalku waxey fareysaa hay’adaha amniga inay ka hortagaan xasarad kasta oo keeni karta amni darro saameysa hay’adaha dastuuriga ah, waxeyna ugu baaqeysaa shacabka inay kaalin ka qaataan dhawrista nabadgelyada iyo xasiloonida deegaanka.