Muqdisho-KNN-Gudoomiyaha gobolka Banaadir ahna duqa Muqdisho Eng Cabdiraxmaan Cumar Cismaan Yariisoow ayaa ku qaabilay xafiiskiisa qoys danyar ah oo gurigooda si xoog ah loogala wareegay.
Qoyskan ayaa waxaa gurigoodii kala wareegay dad u awood sheegtay, balse arintaa markii ay gaartay xafiiska gudoomiyaha gobolka jawaab ayuu ka bixiyay, oo xaaladda ayuu soo faragaliyay, gurigoodiina dib ayaa loogu soo celiyay
Gudoomiyaha gobolka oo dhageystay cabashada qoyskan ayaa u xaqiijiyey in gurigooda aysan cidna xoog uga saari karin una ballanqaaday in loo dayactirayo gurigooda, sidoo kalana waxa uu ubalan qaaday in amnigooda ay sugayaan maamulka degmada xamar weyne inta ay socoto baaritaanada lagu hayo kooxda isku dayday in ay guriga la wareejigaan.
