Hargeysa-KNN-Wafdi uu hoggaaminayo Madaxweynaha Soomaaliland Muuse Biixi Cabdi ayaa Gelinkii dambe ee Maanta ka duulay Garoonka Diyaaradaha ee Magaalada Hargeysa.
Madaxweyne Muuse Biixi iyo wafdigiisa ayaa ku wajahan Dalka Jamhuuriyadda Guinea oo dhaca Galbeedka Qaarada Afrika,waxaana garoonka Hargeysa ka sagootiyay mas’uuliyiin ka kala socday Golayaasha fulinta iyo sharci dajinta Soomaaliland.
Yaasiin Xaaji Maxamuud “Faratoon Wasiirka Wasaaradda Arrimaha dibadda Soomaaliland oo ka war bixiyey safarkaas ayaa sheegay in u jeedka safarka Madaxweyne Muuse Biixi uu yahay casuumaad uu ka helay Madaxweynaha dalka Guinea, waxa uuna sheegay in safarkaas uu qaadan doono mudo labo cisho ah.
