Hargeysa-KNN-Shil culus oo geystay khasaare iskugu jira
dhimasho iyo dhaawac ayaa Goor dhaw waxa uu ka dhacay inta u dhaxaysa
deegaanada Lafaruug iyo Xamaas oo dhaca duleedka magaalada Berbera ee gobolka
Owdal.
Shilka ayaa dhacay ka dib markii ay isku dheceen labo Gaari oo kala ah Bas
rakaab ah iyo Gaari weyn oo nuuca xamuulka qaada ah, kuwaasi oo ku socdaalayay
wadada xariirisa magaalooyinka Berbera iyo Hargeysa.
Inka badan Sedeed ruux
ayaa la sheegay in ay ku dhimatay shilkaasi halka uu dhaawacu kor u dhaafayo 10
ruux , masuuliyiin ka tirsan Xukuumadda Soomaaliland ayaa goobta uu shilku ka
dhacay gaaray iyagoona halkaasi ka
daabulay meydadka iyo dhaawacyada dadkii shilkaas ku wax yeeloobay.
Sidaani oo kale ayaa shalay duleedka magaalada Hargeysa waxaa ka dhacay shil
khasaare badan dhaliyay, kadib markii ay isku dhaceen labo Gaari.
Degaanada Soomaaliland ayaa waxaa ku badan shilal gawaarida u kala gooshaya,
waxaana loo sababeynayaa wadooyinka oo aad u liita.