Wasiirka wasaaradda Gaashaandhigga XFS Xasan Xuseen Xaaji ayaa maanta kulan la qaatay talyaha ciidamada xoogga Odowaa Yusuf Raage iyo saraakiil sar-sare oo ka tirsan ciidamada xoogga dalka.
Kulanka oo saacado qaatay ayaa waxaa looga hadlay howlgalada dalka ay ka wadaan ciidamada xoogga, kuwaasi oo ka dhan ah Al-Shabaab.
Wasiirka ayaa warbixin ka dhageystay talyaha ciidamada xoogga Janaraal Odowaa Yusuf Raage iyo saraakiisha ciidamada, isagoo dhageystay halka ay marayaan howl-galladii u dambeeyay ee ciidamada ka sameeyeen guud ahaan dalka.
Saraakiisha kulanka ka qeyb-gashay ayaa waxaa kamid ah Taliye ku-xigeenka Ciidanka Xoogga Jeneraal Cabaas Amiin iyo Taliyaha Ciidanka Dhulka Xoogga dalka Jeneraal Maxamed Biixi iyo Taliye iyo Saraakiil kale oo ka tirsan Hoggaanka CXDS.