Maxkamadda Ciidamada Qalabka sida ayaa maanta u fadhiisatay kiiska saddex eedeysane oo lagu eedeynayo in ay ka tirsan yihiin Al-Shabaab, taasi oo maanta ka billaabatay magaalada Dhuusamareeb ee xaruunta dowlad goboleedka Galmudug.
Raggan ayaa waxaa gacanta lagu soo dhigay 4-tii bishaan Febraayo ayaa waxaa la sheegay in ay Al-Shabaab u qaabil sanaayeen Qaraxyada iyo tuurista hoobiyeyaasha, waxaana laga soo qabtay dulleedka magaalada Dhuusamareeb.
Gen. Cabdullaahi Buule Kameey oo ah xeer ilaaliyaha Maxkamadda ayaa Garsoorka Maxkamadda Ciidamada ka dalbaday in Eedeysane Shuceeb Maxamed Salaad lagu rido xukun dil toogasho ah, halka Cabdinuur Cumar Guutaale iyo Mukhtaar Shariif Axmed lagu xukumo xabsi Ciidan.
Guddoomiyaha Maxamadda darajada Koobaad ee Ciidamada Qalabka Sida Gaashaanle Sare Xasan cali Nuur Shuute ayaa soo xiray fadhiga Dacwadda, waxaana uu sheegay in Maxkamaddu ay go’aan kasoo gaari doonto.
