Guddiga Farsamada ee ka socda Dowladda Federaalka, Dowlad Goboleedyada iyo Gobolka Banaadir ayaa maanta shir uga bilowday magaalada Baydhabo, xaruunta kumeel-gaarka ee Koofur Galbeed.
Shirka guddiga ayaa waxaa looga arrinsanayaa, qodobada la isku mari la’aa ee sababtay in uu natiijo la’aan ku soo dhammaado shirkii Dhuusamareeb ee socday 1-5 February.
Shirkan ayaa waxaa ku biiray Ra’iisul wasaaraha Soomaaliya Maxamed Xuseen Rooble oo dhanka Internate-ka kaga qeyb galay, isagoo khudbad u jeediyay xubnaha guddiga.
Ra’iisul wasaare Rooble ayaa guddiga kula dardaarmay in ay si hufan oo daacadnimo ah u gutaan shaqada loo igmaday.
Guddigan oo ka kooban 14 xubnood ayaa waxaa shalay magacaabay Ra’iisul wasaare Rooble, waxayna ka koobanyihiin xubno ka tirsan dowladda federaalka, dowlad-golleedyada iyo gobolka Banaadir.
