Templates by BIGtheme NET

Somali News

Wariye Mohamed Ibrahim Gabow oo Maanta lagu wado in lagu aaso Magaalada Muqdisho.

Muqdisho-KNN-Waxaa maanta lagu wadaa in magaalada muqdisho  lagu aaso Allaha u naxriistii  Wariye Mohamed Ibrahim Gabow oo u shaqeynayay Telefishinka Kalsan kaas oo gaarigiisa miino loogu xiray,xili uu marayay degmada wadajir ee gobalka banaadir.

 

Aaska wariyaha ayaa waxaa lagu wadaa inay ka qeyb galaan Xubno  ka tirsan Wasaarada warfaafinta soomaaliya,qaar ka mid ah madaxda warbaahinta,ururada u dooda saxaafada iyo suxufiyiinta ka howlgala magaalada muqdisho.

Wariyaal ka tirsan TV kalsan ayaa u sheegay idaacadda kulmiye in qorshaha uu yahay in wariye Mohamed Ibrahim Gabow lagu aaso qaruuraha barakaad ee duleedka Muqdisho/

Saacadaha soo aadan la filayaa in si rasmi ah lagu aaso wariye Mohamed Ibrahim Gabow oo lagu dilay Magaalada Muqdisho.

Magaalada Muqdisho iyo gobalada dalka  ayaa waxaa ay ka mid yihiin  meelaha inta badan lagu dhibaateeyo wariyaasha Soomaaliyeed ee ka howlgala koofurta iyo bartamaha Soomaaliya,iyagoo u adeegaya Shacabka Soomaaliyeed.

Mana jirto ilaa iyo hada cid loo soo qabtay dilal qorsheysan ee loo geysto wariyaasha Soomaaliyeed,inkastoo dowlada Federaalka Soomaaliya inta badan ay ku cel-celiso in arimahaasi wax badan laga qaban doono.

DHAGEYSO:-WARKA HABEEN EE RADIO KULMIYE 8:00PM (11=12=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:–   Xuseen Cabdulle Maxamed iyo Cabdiwahaab Xusen Muxuyidin ;-

Farsamadii:-Maxamed Dalal Maxamuud:-

Halkan  ka Dhageeso Warka Habeen Ee Radio kulmiye:–

War deg deg ah-:Wariye Ka tirsan Telefishinka Kalsan oo u dhintay Qarax loogu xiray Gaari uu watay.

Muqdisho-KNN-Alle ha u naxariistii waxaa goor-dhaw magaalada Muqdisho ku geeriyooday Wariye Maxamed Ibaarhim Gaabow oo ka tirsan Shaqaalaha Telefishinka kalsan Xarunta magaalada Muqdisho kadib qarax loogu xiray Gaari uu watay sida ay KNN u shageyn Wariyiyaal kale oo ka tirsan Kalsan TV.

Marxuumka ayaa la sheegay in uu ku dhintay halkii uu qaraxa ku qabsaday waxaana Qaraxa uu ka haleelay Qeybaha Sare  ee Jirkiisa sida ay xaqiijiyeen dadkii ka agdhawaa xili uu ku sugnaa Degmada wadajir ee Gobalka Banaadir.

Qaraxa ayaa la sheegay in lagu xiray qeybta dambe ee Kursiga Darawalka waxayna taasi ay sababtay in qaraxa uu ka haleelo qeybaha sare iyo qeybaha dhexe ee jirkiisa, warar aan la xaqiijin ayaa sheegaya in uu kala go’ay Marxuumka dhintay.

Wariyiyaasha Soomaaliyeed ayaa mudooyinkii la soo dhaafay waxaa aad ugu yaraa beegsigii ka dhanka ah markii loo eego sanadihii la soo dhaafay, balse caawa ayaa arintaan waxay durba walaac ku beertay Suxufiyiinta magaalada Muqdisho.

 

Madaxweyne Farmaajo Turkiga uga qeyb galaya Shirka Iskaashiga Islaamka oo looga hadlayo Qudus.

Muqdisho-KNN-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa umba-baxay magaalada Istanbuul ee dalka Turkiga.

Madaxweynaha ayaa halkaas kaga qeyb-galaya shir deg-deg ah oo ay isugu imaanayaan Madaxda dalalka ku mideysan Ururka Iskaashiga Islaamka ( OIC ).

Agaasimaha Warfaafinta iyo Xiriirka Warbaahinta Madaxtooyada Jamhuuriyadda Federaalka Soomaaliya Mudane Cabdinuur Maxamed Axmed oo ka warbixiyey safarka Madaxweynaha ee dalka Turkiga ayaa sheegay in safarkan uu salka ku hayo arrimaha ka soo kordhay magaalada barakeysan Al-Qudus iyo sidii dalalka Muslimka ah ay go’aan mideysan uga qaadan lahaayen arrinkan.

“Madaxweyne Maxamed Cabdullaahi Farmaajo waxaa uu ka qeyb-galayaa shirka Qudus oo 6dii bishaan uu ku dhawaaqay Madaxweynaha Turkiga Rajab Dayib Ordogan si Madaxda Islaamka ee ku mideysan OIC ay isula gorfeeyaan go’aanka Madaxweyne Trump ee magaalada Qudus uu ugu aqoonsaday in ay caasimad u tahay Israaiil.”

Agaasimaha waxa uu sheegay in shirku uu bilaabanayo maalinta Arbacada ah iyadoona la filayo in ay ka soo qeyb-galaan madax iyo wufuud ka socota 57da dowladood ee xubnaha ka ah Ururka Iskaashiga Islaamka.

“Soomaaliya waxa ay ka mid tahay dalalka dhidibada u taagay Ururka Iskaashiga Islaamka. Sidaas daraadeed waxaa lagama maarmaan ah in aan kaalinteenna ka qaadano go’aan ka gaarista arrimaha nagu xeeran ama ku soo kordha dalalkan aan bahwadaagta nahay.”

Sidoo kale, Agaasimaha Warfaafinta Madaxtooyada waxa uu sheegay in tallaabadani ay daba socoto bayaankii ay soo saartay Dowladda Federaalka Soomaaliya ee lagu taageerayey xuquuqda dowladnimo ee dadka reer Falastiin iyo in magaalada Qudus ay tahay mid qiimo gaar ah u leh dunida Islaamka.

DHAGEYSO:-Barnaamijka Kulanka KNN{3:00PM}{11-12-2017}

Muqdisho–KNN:–Dhageysteyaasheena ku xiran Bogeenna Radiokulmiye.com waxaan idiin soo gudbineynaa Barnaamijka Kulanka KNN oo ah Barnaamij Xiiso leh oo aad dhageysataan galab walba,marka laga reebo Galabta Jimcada ah,waxaana Maanta soo jeedinaya:-Burhaan Diini Faarax: 

Farsamadii :-Maxamed Dalal Maxamud;-

Halkaan ka dhageyso Barnaamijka oo dhameystiran:-

Shir looga hadlaayo Qorshaha Qaranka ee doorashada Soomaaliya oo Muqdisho Lagu qabtay + SAWIRO.

Muqdisho-KNN-Waxaa maanta lqgu qabtay Maagalada Muqdisho Xaflad  lagu daahfurayo qaamuuska doorashooyinka Qaranka iyo istiraatiijiyadda 5ta Sano ee soo socota.

Xafladaan ayaa waxaa ka qeyb galay Wasiiro, Xildhibaano iyo Wakiilo ka socda Beesha Caalamka waxaana lagu soo Bandhigay Qaamuus ka hadlaya doorashooyinka Soomaaliya.

Xubnaha goobtaasi ka hadlah waxaa ka.mid ah Wasiirka Qorsheynta Soomaaliya waxa uuna sheegay in ay muhiim tahay helida Qorshe Cad ah oo ku aadan Istiraatiijadda doorashadda.

Soomaaliya ayaa la filayaa markii ugu horeysay bur burkii kadib in ay doorasho ka dhacdo doorasho qof iyo Cod markii lagaaro 2021.

Wadamada Yurub iyo Israel oo isku khilaafay in Qudus ay noqoto Caasimadda Israel.

Muqdisho-KNN-Ra’iisal wasaaraha Israel oo ku sugan magaalada Paris ee Caasimadda Framce ayaa mar kale soo dhaweeyay go’aankii Trump uu qudus ugu aqoonsaday Caasimadda Yahuudda ee Israel.

Ra’iisal Wasaaraha Israel ayaa wadamada Midowga Yurub ka dalbaday in ay safaradahooda usoo raraan Qudus Islamarkaana ay taageeraan go’aanka Maraykanka, wadamada Yurub ayaa si kulul uga soo horjeestay Ra’iisal wasaaraha Israel waxayna ka digayn dhibaato ka dhacdo Bariga dhexe.

Madaxa arimaha Siyaasadda ee Midowga Yurub ayaa Paris ka sheegay in Qudus ay tahay magaalo barakeysan go’aanka Maraykankana ay ka soo horjeedaan waxa uuna Israel iyo Falastiin muranka u dhaxeeyo lagu dhameeyo wadahal.

Israel ayaa Yurub kala noqoneysa dhabar jab culus, waxa uuna qorshaha safarkiisa uu ahaa in Wadamada Yurub ay taageeraan go’aanka Madaxweyne Trump.

DHAGEYSO:-WARKA DUHUR EE RADIO KULMIYE(11-12-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay:Cumar Xabeeb Nur {Tiijar} iyo  Farxiyo Xuseen Cali:– 

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

Maamulka G/Hiiraan oo qorsheynaya Howlgal ka dhan ah Al-Shabaab kadib weerarada Al-Shabaab oo kordhay.

Muqdisho-KNN-Guddoomiye ku xigeynka amniga iyo siyaasadda ee maamulka Gobalka Hiiraan Xuseen Cusmaan Muumin ayaa shir jaraa’id uu ku qabtay magaalada Baledweyne ee xarunta Gobalka Hiiraan waxa uu kaga dhawaaqay dagaal ka dhan ah Al-Shabaab.

Guddoomiyaha ayaa sheegay in Dagaalamayasha Al-Shabaab ay ku soo xoogeesteyn degmooyinka gobalka gaar ahaan duleedka magaalada Baledweyne ee xarunta gobalka saameyna ay ku yeesheen amaanka gobalka.

“Uma dulqaadan doono shabaabka ku soo badanaya gobalka iyo dhibaatooyinkii ka fuliyeen meelo ka mid ah degmooyinka gobalka gaar ahaan weerarkii ay shabaab ku qaadeyn ilaa shan gaadiid oo raashin ganacsi waday” ayuu yiri Guddoomiye ku xigeynka gobalka ee amniga iyo siyaasadda.

Al-Shabaab ayaa la sheegay in ay shalay gilinkii dambe ay Gubeyn ilaa shan gaadiid oo raashin ganacsi u waday degmooyinka Go’doonsan ee Gobalada Hiiraan iyo Bakool, sidoo kale Al-Shabaab ayaa dhowr jeer weerar ku qaaday Ciidamo iyo mas’uuliyiin ka tirsan Gobalka.

War deg deg ah-:Golaha Shacabka oo si kulul uga hadlay Xiisadda ka taagan M/Qudus

Muqdisho-KNN-Xildhibaanada Baarlamaanka Golaha Shacabka ee Soomaaliya oo hadda kulan ku leh magaalada Muqdisho ayaa si kulul ugu hadlay Xiisadda u dhaxeysa Islaamka iyo Yahuudda ee ka taagan magaalada Barakeysan ee Qudus.

Guddoomiyaha Golaha Shacabka Soomaaliya Maxamed Shiikh Cusmaan Jawaari ayaa Baarlamaanka ka hor akhriyay Taariikhda siyaasadeed ee magaalada Qudus iyo waayihii adkaa oo ay soo martay, Jawaari ayaa sheegay in Maraykanka uu qaaday Talaabo khaldan dhibka kasto oo ka dhashana ay qaadan doonto Mas’uuliyadeeda Dowladda Maraykanka.

Prof Jawaari ayaa sheegay in aysan Musliiminnta marna gor gortan ka gali doonaan lahaanshiyaha magaalada Barakeysan ee Qudus waxa uuna wadamada Islaamka ugu baaqay in ay tashtaan oo go’aan adag ka qaataan hadalkii Madaxweynaha Maraykanka ee qudus ugu tilmaamay Caasimadda Israel.

“Soomaaliya iyo Muslimiinta marna gor gortan ka gali meyso lahaanshiyaha Qudus, Qudus waa magaalo ku taalo dhulka falastiin waana magaalo ay leeyihiin muslimiinta oo dhan mana loo dulqaadan doono muranka ka taagan Qudus” ayuu yiri Guddoomiyaha Golaha Shacabka.

Prof jawaari ayaa sheegay in Maraykanka ay Sumcadiisa hoos u dhacday kalsoonidii lagu qabayna ay luntay, isagoo ugu baaqay Trump in uu go’aankaasi ka laabto.

Sidoo kale Jawaari ayaa arintaasi u xilsaaray Guddiga Arimaha dibadda ee Baarlamaanka Golaha Shacabka Soomaaliya si loo badbaadiyo Qudus.

hadlaka Guddoomiyaha ayaa ku soo beegmaya xili ay sii xumaaneyso Xiisadda Bariga dhexe ee salka ku heysa Arimaha Qudus.